Antalya
3 shkurt 2020

FC Feronikeli ka fituar miqësoren e së hënës, të zhvilluar kundër skuadrës nga Maqedonia, FC Shkupi.

Ndeshja u zhvillua në Antalya të Turqisë, në kuadër të përgatitjeve të fazës së dytë të kampionatit, që po bën ekipi ynë atje.

Formacioni startues: Florjan Smakiqi; Lapidar Lladrovci, Ilir Berisha, Përparim Islami, Lorent Shala; Besmir Bojku, Albert Dabiqaj; Simon Loshi, Kristi Kullaj, Jean da Silva; Mevlan Zeka.

Kurse gjatë pjesës së dytë, në lojë u futën edhe: Yll Hoxha, Mendurim Hoti, Astrit Thaqi, Keith Groeneveld, Ardi Qorri, Cem Barlik e i rikthyeri pas një kohe të gjatë, Met Millaku.

Ndeshje e hapur u zhvillua gjatë gjithë kohës, me raste të shumta shënimi, mirëpo goli i vetëm erdhi nga Mendurim Hoti, që u tregua i saktë nga pika e bardhë.

FC Feronikeli do ta zhvillojë edhe një miqësore para rikthimit në Kosovë, ndaj FC Rukh Brest.

3 Shkurt, 2020