Ferizaj ka mposhtur skuadrën e Feronikelit, me rezultat 1-2, në ndeshjen e xhiros së 27-të, në Superligën e Kosovës në futboll.
Vendësit nga Drenasi hapën më mirë takimin, me raste të shpeshta, por momenti i golit nuk erdhi deri në minutën e 31-të.
Mbrojtësi, Arbër Prekazi, kaloi Feronikelin në epërsi, për të shënuar për 1-0.
Mirëpo, në pjesën e dytë ndryshoi gjithçka, përfshirë edhe rezultatin.
Feronikeli tentonte të dyfishonte epërsinë gjatë gjithë kohës, por kjo i kushtoi, pasi që pranuan golin e barazimit.
Krasniqi shënoi për 1-1, në minutën e 78-të.
Feronikeli përsëri mundohej të kthehej në lojë, por ishte e vështirë, pasi kishin mbetur edhe pak minuta lojë.
Krejt në fund, Ferizaj shënoi edhe golin e dytë, me anë të Krasniqit, në minutën e 93-të.
Feronikeli mbetet lider i tabelës me 62 pikë, aq sa ka edhe Prishtina në vendin e dytë.