Në Nyon të Zvicrës është hedhur shorti për raundin e parë të kualifikimeve për garën më të madhe të klubeve në Evropë, UEFA Champions League.

Feronikeli ka mësuar kundërshtarin potencial të cilin mund ta ketë në raundin e parë të kualifikimeve për këtë garë.

Ndeshjet e para për kualifikim në rundin e parë, do të zhvillohen me 9/10 korrik, kurse të kthimit më 16/17 korrik.

32 klube janë ndarë në dy grupe (grupi 1 dhe 2) me nga dhjetë ekipe secila, ndërsa një grup (grupi 3) ka dymbëdhjetë ekipe.

Brenda tre grupeve 32 ekipe janë ndarë në mënyrë të barabartë, me nga 16-të, për të luajtur mes vete në fazën e rundit të parë të kualifikimeve për UEFA Champions League.

Në grupin e tretë, bën pjesë fituesi i fazës së parakualifikimeve, fazë kjo që do të zhvillohet në “Fadil Vokrri”, të Prishtinës.

Në kuadër të fazës së parakualifikimeve, Feronikeli do të luajë me Lincoln Red Imps, nga Gjibraltari, të martën e 25 qershorit, me fillim prej orës 20:45.

Nëse e kalon këtë fazë, skuadra e Feronikelit do të takohet me fituesin mes SP Tre Penne dhe Santa Coloma, në finalën e 28 qershorit që zhvillohet prej orës 20:45, në “Fadil Vokrri”.

Fituesin e kësaj finaleje sipas shortit të hedhur sot,  e pret skuadra nga Uellsi, The New Saints.

18 Qershor, 2019